ომის დაწყების შემდეგ (2022 წლის მარტი) რუსეთის მოქალაქეებმა საქართველოში 21 326 კომპანია დაარეგისტრირეს.

ინფორმაციას საერთაშორისო გამჭვირვალობა - საქართველო აქვეყნებს.

ორგანიზაცია იმასაც მიუთითებს, რომ ეს მონაცემები გასული 27 წლის მონაცემებს თითქმის სამჯერ აღემატება.

საერთაშორისო გამჭვირვალობა მიერ გამოქვეყნებული სტატისტიკის თანახმად, უკრაინაში ომის დაწყების შემდეგ, რუსეთის მოქალაქეები საქართველოში თვეში საშუალოდ 1 300 კომპანიას არეგისტრირებენ. 

ორგანიზაციის ინფორმაციით, 1995-2022 წლებში რუსეთის მოქალაქეების მიერ დარეგისტრირებული კომპანიების რიცხვი 7788-ს შეადგენს.