დღეიდან, 3 ივლისიდან, ქუთაისში ორი საზაფხულო (მორიგე) ბაღი იფუნქციონირებს.

ააიპ "ბაგა–ბაღების გაერთიანების“ ხელმძღვანელის დავით წიტაიშვილის თქმით, მე-12 (მაისურაძის ქუჩა №7) და მე-17 (ბუხაიძის ქუჩა, მე-2 მიკრ. №14) ბაღები 28 ივლისის ჩათვლით იმუშავებს.

ქუთაისის საზაფხულო საბავშვო ბაგა-ბაღებში რეგისტრაცია 14 ივნისიდან დაიწყო. აღსაზრდელთა მშობლებს შვილების დარეგისტრირება 24 ივნისამდე შეეძლოთ.

ქუთაისის მერიის ააიპ "ბაგა–ბაღების გაერთიანებაში" სულ 37 ფილიალია, სადაც 7 643 აღსაზრდელია რეგისტრირებული.