ახალი ამბები
უკრაინულმა ჯარებმა ქვეყნის 918 დასახლება გაათავისუფლეს ოკუპანტებისგან
12:05 / 16.04.2022
უკრაინის შეიარაღებულმა ძალებმა 918
დასახლება გაათავისუფლეს რუსი აგრესორებისგან.
ამის შესახებ უკრაინის პრეზიდენტმა
ვოლოდიმირ ზელენსკიმ თავის ტრადიციულ ვიდეომიმართვაში
ისაუბრა.
უკრაინის პრეზიდენტის თქმით,
ქვეყანაში "ნორმალური ცხოვრება აღდგება ოლქებსა და
რეგიონებში, საიდანაც ოკუპანტები განდევნეს".
ნორმალური ცხოვრების წინაპირობაა
განაღმვის პროცესის დაწყება, ელექტროენერგიისა და წყლის მიწოდების
აღდგენა და ადგილობრივი ხელისუფლების მიერ ინფრასტრუქტურული თუ სხვა
ტიპის სამუშაოების ჩატარება.
უკრაინაში 52-ე დღეა ომია. რუსეთი
სუვერენულ უკრაინას თავს 24 თებერვალს დაესხა. რუსულმა არმიამ მოკლა
ათასობით მშვიდობიანი მოქალაქე, მიწასთან გაასწორა ქალაქები და
დასახლებული პუნქტები. ქვეყნის ჩრდილოეთით უკრაინელებმა განდევნეს
რუსი ოკუპანტები დაკავებული ტერიტორიებიდან.
მასალის გამოყენების პირობები