საქართველოს შრომის ინსპექციის სამსახურმა ბოლო 72 საათში 5 ობიექტი დალუქა და 6 დააჯარიმა.

მიზეზი კოვიდრეგულაციებთან კრიტიკული შეუსაბამობა გახდა.

აღნიშნული სამსახურის ინფორმაციით მთელი ქვეყნის მასშტაბით გამოვლენილ დარღვევებს შორის კვლავ სოციალური და ფართომასშტაბიანი გასართობი ღონისძიებები ჭარბობს. დაჯარიმებულთაგან 5 იურიდიული და 1 ფიზიკური პირია.

ორი კვირის განმავლობაში, საქართველოს მასშტაბით, რეგულაციების დარღვევისთვის 20-ზე მეტი ობიექტი დაილუქა.

დაჯარიმდა 46 ბიზნეს ოპერატორი. მათ შორის 29 იურიდიული და 17 ფიზიკური პირი.