ფირნიშები, რომელიც ტურისტებს ქუთაისში არსებული ტურისტული ობიექტებისკენ მიუთითებს, ქალაქის შემოსასვლელებსა და ცენტრალურ უბნებში განთავსდება.
როგორც ქუთაისის მერიაში განმარტავენ, ქალაქში მიმანიშნებელი საინფორმაციო ფირნიშების მოსაწყობად, ადგილობრივი თვითმმართველობიდან 50 000 ლარია  განსაზღვრული.
"ამ ეტაპზე სატენდერო დოკუმენტაციის დამუშავება მიმდინარეობს, ხარჯები დათვლილია და ფირნიშების 15 ადგილზე მოსაწყობად 50 000 ლარამდეა გათვლილი. ტენდერი სავარაუდოდ, რამდენიმე დღეში გამოცხადდება," - განმარტავს ქუთაისის მერიის ეკონომიკური სამსახურის ხელმძღვანელი პაატა კლდიაშვილი.
ტენდერის გამოცხადების შემდეგ, გამარჯვებულმა კომპანიამ მიმანიშნებელი ფირნიშების მოწყობა ქუთაისში მიმდინარე წლის ბოლომდე უნდა დაასრულოს.

ანა ჯანაშია