მიმდინარე წლის 17 დეკემბერს Wizz Air-ის ქუთაისი-მილანის რეისის შესრულების დროს თვითმფრინავში მგზავრი გარდაიცვალა.
ავიაკომპანია მომხდართან დაკავშირებით განცხადებას ავრცელებს. 

"2018 წლის 17 დეკემბერს, Wizz Air-ის W6 6411 ბელგრადში გადამისამართდა მას შემდეგ, რაც ერთ-ერთ მგზავრს სასწრაფო სამედიცინო დახმარება დასჭირდა. კონფიდენციალურობის დაცვის მიზნით, მგზავრის შესახებ ინფორმაცია არ არის ხელმისაწვდომი. ჩვენმა საფრენოსნო ეკიპაჟმა ბორტზე მგზავრს გადაუდებელი სასწრაფო დახმარება აღმოუჩინა. ასევე ეკიპაჟის ორგანიზებით, სამედიცინო დახმარება ავიახომალდს ბელგრადის აეროპორტში ელოდა. სამწუხაროდ, Wizz Air-ი ადასტურებს, რომ, ბორტზე ეკიპაჟის წევრების მიერ თუ აეროპორტში სამედიცინო პერსონალის მიერ აღმოჩენილი სწრაფი და პროფესიონალური სამედიცინო დახმარების მიუხედავად, მგზავრის სიცოცხლის გადარჩენა ვერ მოხერხდა. Wizz Air-ი ღრმა მწუხარებას გამოთქვამს და უსამძიმრებს მგზავრის ოჯახის წევრებს."