გარემოს ეროვნული სააგენტოს ინფრომაციით, დასავლეთ საქართველოში წვიმა, მაღალ მთაში კი თოვლია მოსალოდნელი. სინოპტიკოსების ვარაუდით, არამდგრადი და წვიმიანი ამინდი 13 თებერვალსაც შენარჩუნდება. უახლოესი ორი დღის განმავლობაში ტემპერატურის მატება მოსალოდნელი არ არის.

" 12-13 თებერვალს მოსალოდნელია წვიმა, მაღალ მთაში შესაძლოა გადაიზარდოს თოვლშიც, ჰაერის ტემპერატურა 10-12 გრადუსის ფარგლებში იქნება",  - ამბობს გარემოს ეროვნული სააგენტოს მოკლედიანი პროგნოზების დეპარტამენტის ხელმძღვანელი, დოდო გვაზავა.

სინოპტიკოსების ცნობით, დასავლეთ საქართველოშო 14 თებერვალს გამოიდარებს, მოსალოდნელი ტემპერატურის მკვეთრი მატება. გარემოს ეროვნული სააგენტოს, ინფორმაციით, 14-17 თებერვალს დასავლეთში ჰაერი 18 გრადუსმადე გათბება. თუმცა,  მოსალოდნელია აღმოსავლეთის მიმართულების ქარის გაძლიერება.