ქუთაისში,ზამთრის სეზონთან დაკავშირებით აღმაშენებლის  გამზირზე გაშენებული პალმები წელს აღარ შეიფუთება. ქუთაისის მერიაში  განმარტავენ, რომ წინა წლებში სპეციალური მასალით პალმების შეფუთვამ მცენარეები დააზიანა, ამიტომ წელს პალმის ხეები აღარ შეიფუთება.

" წელს გადაწყდა, რომ პალმები აღარ შეიფუთება, რადგან შესაფუთი მასალა მცენარეებს აზიანებს, წელს მხოლოდ მათი შეკვრა მოხდება და ესეც საკმარისი იქნება რომ არ დაზიანდეს", -  ამბობენ ქუთაისის მერიაში.

პალმების შეკვრა მიმდინარე წლის ნოემბრის ბოლოსთვის დაიწყება და გაზაფხულამდე მცენარეები შეკრულ  იქნება. სამუშაობს "შპს ქალაქსერვისი" განახორციელებს.

ქუთაისში "ვაშინგტონის" ჯიშის პალმების ხეივანის მოწყობა 2010 წელს მოხდა. აღნიშნული ხეივნის მოწყობა ადგილობრივ თვითმმართველობას 960 000 ლარი დაუჯდა. 300 ძირი პალმა აღმაშენებლის გამზირის კილომეტრნახევრიან ზოლზე გაშენდა.


ამავე თემაზე:

ქუთაისში უნიკალური ჯიშის პალმები ნადგურდება (ფოტო)