ქუთაისიპოსტი

საკრებულოს თავმჯდომარის მოადგილის, ნიკა ლატარიას ირგვლივ ბოლო დროს განვითარებულ მოვლენებს საკრებულოს თავმჯდომარე, დავით დვალი საგანგებო ბრიფინგით გამოეხმაურა.
საუბარია, ლატარიას მიერ თანხის გაპროცენტებისა და საკრებულოში მის მიერ აღებულ ხელფასსა და დანამატზე.

დავით დვალის თქმით, ნიკა ლატარიამ დანამტის სახით აღებული თანხა ქველმოქმედებაში გადარიცხა და ამის დამადასტურებელი დოკუმენტები არსებობს.

"ყველა დოკუმენტი არსებობს, რომელიც ადასტურებს, რომ ნიკა ლატარია მიღებულ დანამატს ქველმოქმედებისთვის რიცხავდა. მის მიერ 2015 წელს შევსებული დეკლარაციის მიხედვით მას 45 00 ლარის ქველმოქმედება აქვს გაწეული. ამ თანხის დიდ ნაწილს კი ლატარია ახმარდა ადგილობრივ თვითმმართველობაში ერთობლივად ორგანიზებულ ღონისძიებებს, რაც იმას ნიშნავს, რომ მას პირიქით, საკუთრი სახლიდან მოჰქონდა ფული", - განაცხადა დავით დვალმა.

მისივე თქმით, ლატარიას 2015 წელს ჯამში დანამატის სახით 17 000 ლარი აქვს აღებული, რაც სრულად აქვს ქველმოქმედებაში გადარიცხული. 

რაც შეეხება მის მიერ დანამატის ყოველთვიურად დარიცხვის მიზანშეწონილობას, დვალის თქმით,  ლატარია დანამატს დამსახურებულად იღებდა, რადგან იგი გარდა საკრებულოს თავმჯდომარის მოადგილისა, სხვა ფუნქციებსაც ითავსებდა, კერძოდ, აქტიურად  მუშაობდა საკრებულოს კომისიებში.

საკრებულოს თავმჯდომარის მოადგილემ ლატარიას ნაცვლად განმარტებების გაკეთება, მის მიმართ პიროვნული დამოკიდებულებით ახსნა და განაცხადა, რომ ნიკა ლატარია მისი მეგობარია და რადგან ლატარიამ უარი თქვა განმარტებების გაკეთებაზე, მან თავი ჩათვალა ვალდებულად საზოგადოებისთვის ალტერნატიული რეალობა ეჩვენებინა.

დავით დვალთან ერთად, საგანგებო ბრიფინგს საკრებულოს დეპუტატი ტარიელ მეტონიძეც ესწრებოდა, რომელმაც განაცხადა, რომ ნიკა ლატარია საკრებულოში მოსვლის დღიდან საკუთარ ხელფასს მას ურიცხავს.

"არის საკრებულოში ასე, რომ ვინმე უნდ აიყოს უხეფასო დეპუტატი და მე მარგუნა ეს ბედმა, მაგრამ ნიკა ლატარიამ მითხრა, მე არ გაგრძნობინებ შენ უხელფასობასო და პირველივე დღიდან საკუთარ ხელფასს მირიცხავს",-განაცხადა ტარიელ მეტონიძემ.
მან ლატარიას საჯაროდ გადაუხადა მადლობა.